اختلطت التسجيل الصوتي بتكبيرات العيد و البطل عمر القاضي يتوعد احد التكفيريين قائلا .. تعالالي ياد لو كنت تقدر تعالالي خدني ياد لو تعرف
استشهد في يونيو 2018 إثر صده لهجوم إرهابى استهدف كمين البطل 14 لهجوم إرهابى فجر يوم عيد الفطر المبارك.
إطلاق اسم الشهيد عمر القاضي على دفعة 2019، من خريجى طلبة كلية الشرطة الجدد.
الشهيد البطل عمر القاضي دافع عن تراب سيناء لآخر نفس حتى كانت آخر كلماته ” يا جدعان انا اتصبت بـ ٣ طلقات اصابات بالغة و الكمين كله استشهد و مش هتلحقوني انا حاسس اني هموت.. يا جدعان والنبي قولو لامي ابنك مات راجل و خلي بالكوا منها.. و متنسونيش يا جدعان و ادعولي ربنا يسامحني أشهد أن لا اله إلا الله وأن محمد رسول الله” .
و يتحدث زميلة و دفعتة قائلا
خليتني واقف مكانك يا صحبي و أنا رافع راسي
زي النهاردة الوقفة اللي فاتت و العيد اللي فات واخر يوم ف رمضان وف نفس التوقيت ده كانت اخر صورة ليا مع الشهيد/عمر القاضي
مكنتش اعرف انها كانت هتبقي اخر كل حاجة يا صحبي،مكنتش اعرف ان سلامك ليا معناه انك بتودعني،مكنتش اعرف انك وانت بتوصيني علي والدتك كنت بتكلم بجد،مش كلام زي كل مرة بنقولوا و بنضحك عليه،مكنتش اعرف انك لما قلتلي سمير لو حصل عليا تعامل اعمل اللي عليك و متسبنيش،مكنتش اعرف انها اخر كل حاجة ف كل حاجة
لما قولتلي انا مطمن عشان انت جمبي انا ضحكت ومفهمتش معناها غير دلوقتي..لما قلتلي خليك جمبي متسبنيش يا صحبي
لما كلمتك هزت سينا بالكامل وانت بتقول
(غربل السبيل يا سمير)
انا عايزك تعرف اني مسبتكش يا عمر واني عملت كل اللي قدرت عليه واني صنت عهدك ليا وصنت كل كلمة قلتهالي
انا عايزك تكون مطمن..
انا دلوقتي واقف مكانك وراسي مرفوعة..واقف مكان دمك اللي ساب علامة ف ارض سينا،واقف. ومعايا رجالتي ومكملين مكانك وهنفضل مكملين لحد اخر نقطة دم فينا
انت وصيت انك متتنساش
وانا مش ناسيك يا صحبي
وربنا يلحقني بيك اجلا ام عاجلا🇾🇪
,# عيدك في الجنه شهيد العيد
www.azabnews.com 